Марказҳои манбаъҳои забони англисӣ (ERC)

Марказҳои манбаъҳои забони англисӣ чистанд?

Ташаббуси Марказҳои манбаъҳои забони англисӣ (ERC), ки аз ҷониби Сафорати ИМА молиявӣ шуда ва тавассути «Шӯроҳои Амрико» дар Тоҷикистон амалӣ мегардад, омӯзгорони забони англисиро дастгирӣ намуда, сифати таълими забони англисиро дар муассисаҳои таҳсилоти олии саросари кишвар мустаҳкам менамояд.

Аз замони таъсисаш, ташаббуси ERC ба устодони забони англисӣ имкониятҳои рушди касбӣ, дастрасӣ ба методологияҳои муосири таълим ва технологияҳои таълимиро фароҳам оварда, онҳоро бо манбаъҳо ва ҷомеаҳои байналмилалии таълими забони англисӣ пайваст мекунад. Ин марказҳо ҳамчун фазои касбӣ хидмат мекунанд, ки дар он ҷо омӯзгорон метавонанд дониш мубодила кунанд, малакаҳои таълимии худро рушд диҳанд ва муносибатҳои инноватсиониро дар таълими забони англисӣ омӯзанд.

Шабакаи ERC айни замон ду Маркази фаъоли рушди касбиро дар бар мегирад, ки дар муассисаҳои таҳсилоти олии шаҳрҳои Душанбе ва Бохтар ҷойгиранд, инчунин Ҷомеаи виртуолии ERC-ро муттаҳид месозад, ки омӯзгорони забони англисиро аз муассисаҳои таҳсилоти олии саросари Тоҷикистон ба ҳам меорад. Ҷомеаи виртуолии ERC, ки соли 2023 таъсис ёфтааст, густариш ёфта, омӯзгоронро аз Душанбе, Бохтар, Хуҷанд, Хоруғ, Панҷакент, Кӯлоб, Ғарм, Данғара ва дигар минтақаҳо фаро мегирад.

Мақсади мо

Марказҳои манбаъҳои забони англисӣ барои устодони забони англисӣ платформаи касбиро фароҳам меоранд, то рушди малакаҳои таълимии худро идома диҳанд, бо ҳамкасбон таҷриба мубодила кунанд, ба манбаъҳои муосир дастрасӣ пайдо намоянд ва аз роҳбурдҳои нави таълими забони англисӣ истифода баранд.

Тавассути барномаҳои ҳузурӣ ва виртуалӣ, ташаббуси ERC барои омӯзгорон имкониятҳо эҷод мекунад, то фаъолияти касбии худро тақвият диҳанд ва ҷомеаи ягонаи миллии омӯзгорони забони англисиро созанд.

Ҳадафҳои мо

Ташаббуси ERC миссияи худро тавассути якчанд ҳадафҳои асосӣ пеш мебарад:

• Дастгирии рушди касбии устодони забони англисӣ дар муассисаҳои таҳсилоти олии саросари Тоҷикистон.

• Фароҳам овардани дастрасӣ ба методологияҳои муосири таълими забони англисӣ, технологияҳои таълимӣ, воситаҳо ва манбаъҳо.

• Эҷоди имкониятҳо барои мубодилаи дониш, таҷриба ва усулҳои пешқадам миёни устодони забони англисӣ.

• Пайваст кардани омӯзгорон тавассути марказҳои ҳузурӣ ва Ҷомеаи виртуолии ERC.

• Мустаҳкам кардани робитаҳо байни ҷомеаи таълими забони англисии Тоҷикистон ва ҷомеаи васеътари байналмилалии таълими забони англисӣ.

• Хидмат кардан ҳамчун маркази рушди методология, соҳиб шудан ба малакаҳо, ҳамкорӣ ва омӯзиши пайвастаи касбӣ.

Шабакаи ERC дар як нигоҳ

2

Марказҳои ҳузурии ERC

Душанбе ва Бохтар

14

Муассисаҳои таҳсилоти олӣ

Дар саросари шабакаи ERC намояндагӣ мекунанд

180+

Аъзои ERC

Аъзои ҷомеаи ҳузурӣ ва виртуолии ERC

260+

Бинандагони ERC

Дар давоми соли таҳсили 2025–2026

1,868+

Иштирокчиёни онлайн

Дар давоми соли таҳсили 2025–2026

100+

Фаъолиятҳо ва чорабиниҳо

Дар давоми соли таҳсили 2025–2026

Ҷомеаи виртуолии ERC

Ҷомеаи виртуолии ERC омӯзгорони забони англисиро берун аз ду маркази ҳузурӣ пайваст карда, шабакаи касбии умумимиллиро барои ҳамкорӣ, омӯзиш ва мубодилаи дониш эҷод мекунад.

Ҷомеа омӯзгорони муассисаҳои таҳсилоти олиро аз шаҳру ноҳияҳои зерин фаро мегирад:

Бо тими мо шинос шавед:

‍ Зебонисо Муродова

Ҳамоҳангсози ERC дар Бохтар

_____________________________

Гулзира Собирова

Ҳамоҳангсози ERC дар Душанбе

_____________________________

Саидхӯҷа Маҳмадиев

Менеҷери виртуолии ERC